МОЛИТВА ОБРАЗУ СВЯТИТЕЛЮ ИОАННУ МИЛОСТИВОМУ

В терпении твоем стяжал еси мзду твою,отче преподобне,в молитвах непрестанно терпевый,нищия возлюбивый и сия удовливый,но молися Христу Богу,Иоанне милостиве,блаженне,спастися душам нашим.Богатство твое расточил еси убогим и Небесное богатство ныне восприял еси,Иоанне всемудре,сего ради вси тя почитаем,совершающе память твою,милостыне тезоимените!Святителю Божий Иоанне,милостивый защитниче сирых и сущих в напастех!К тебе прибегаем и тебе молимся,яко скорому покровителю Всех ищущих от Бога утешения в бедах и скорбех.Не престай,моляся ко Господу о всех с верою притекающих к тебе!Ты преисполнен сый Христовы любви и благости,явился еси яко чудный чертог добродетили милосердия и стяжал еси себе имя "милостивый".Ты был еси яко река,непристанно текущая щедрыми милостьми и всех жаждущих обильно напаяющая.Веруем,яко по переселении от земли на небо,усугубися в тебе дар благодати сея и яко соделался еси неисчерпаемый сосуд всякие благостыни.Сотвори убо твоим ходатайством и заступлением пред Богом"всякие утехи",да вси,прибегающий к тебе,обретают мир и безмятежие;даруй им утешение в печалех временных и пособие в нуждах житейских,всели в них надежду вечного упокоения во Царствии Небеснем.В житии твоем на земли ты был еси пристанище всем сущим во всякой беде и нужде,обидемым и недугующим,и ни един от притекавших к тебе и просивших у тебя милости лишен бысть твоея благостыни.Тожде и ныне,царствуя,со Христом на Небеси,яви всем покланяющимся пред честною иконою и молящимся о помощи и заступлении.Не точию сам ты творил еси милость безпомощным,но и сердца других воздвигал еси ко утешению скорбящих и успокоению неимущих.Да не оскудевают в них дары милости,паче же да вселится в них и в дому сем,призревающем страждующих,мир радость о Духе Святе ,во Славу Господа и Спаса нашего Иисуса Христа,во веки веков.Аминь